CANDO SE ACHEGA A FIN DE CURSO, SEMPRE FACEMOS UNHA EXCURSIÓN TÓDOLOS NENOS E NENAS DA ESCOLA, ESTE ANO FOI Á GRANXA GARABULLOS EN COSPEITO.
PERO COMO DIN NA GRANXA: "pasar un día en Garabullos con Revolta Natural vai máis aló de saír da aula para pasar o día de excursión".
ELES PRETENDEN "espertar" NOS NENOS E NENAS "un sentimento de conexión coa natureza que serva de base para querer aprender con ela, nela, dela ..."
COMEZAMOS CUNHA HISTORIA MÁXICA QUE FOI O FÍO CONDUTOR DURANTE TODO O DÍA, EN TÓDALAS ACTIVIDADES QUE REALIZAMOS.
TIVEMOS UN TEMPO PARA ADICAR AOS ANIMAIS DA GRANXA: CABALOS, COELLOS, CABRAS, OVELLAS, OCAS, BURRO, ...
PARA FACER O PAN DE DRAGÓN,
PARA CORRER, XOGAR E DESFRUTAR DA NATUREZA
E PARA XANTAR TODOS XUNTOS Á SOMBRA DAS ÁRBORES.
NON FALTARON EN TODA A XORNADA XOGOS E CANCIÓNS QUE AMENIZARON CADA ACTIVIDADE DO DÍA.
PERO CHEGOU A HORA DA DESPEDIDA, ESTABAMOS MOI CANSOS PERO MOI CONTENTOS. LEVAMOS CON NÓS UNHA NOVA EXPERIENCIA QUE NOS AXUDARÁ A VALORAR, MOITO MÁIS SE CABE, A IMPORTANCIA DA NATUREZA NAS NOSAS VIDAS.
ESTE É O MANIFESTO QUE ESTABA NA GRANXA GARABULLOS QUE REPRESENTA O QUE SIGNIFICOU ESTA EXCURSIÓN PARA NÓS. DEL SACAMOS ESTA FRASE TAN BONITA DE Jean Jacques Rousseau:
"HAI UN LIBRO SEMPRE ABERTO PARA TODOS OS OLLOS: A NATUREZA".
HOXE, NÓS ESTIVEMOS A LER ESE LIBRO...
